2025 жылғы 10–20 қазан аралығында Қазақстан Республикасы Қаржылық мониторинг агенттігінің бастамасымен еліміз бойынша қаржылық қауіпсіздік бойынша республикалық диктант өткізілді. Ауқымды іс-шара азаматтардың қаржылық сауаттылығын арттыру, қаржылық алаяқтықтың алдын алу және көлеңкелі экономикамен күресте халықтың белсенділігін арттыру мақсатында ұйымдастырылды.

Аталған шарадан Баянауыл көпсалалы колледжі де шет қалмады. Колледждің студенттері мен инженерлік-педагогикалық құрамы онлайн форматта диктантқа қатысып, өз білімдерін тексерді. Тест https://amlacademy.kz/finiq нлайн-платформасында өтіп, қатысушылар үш деңгей бойынша сұрақтарға жауап берді.

Іс-шара нәтижесінде колледж ұжымы мен білім алушылары жоғары белсенділік танытып, көптеген қатысушылар сертификаттар мен дипломдарға ие болды. Бұл олардың қаржылық қауіпсіздік бойынша қажетті білімге ие екенін және қаржылық алаяқтыққа қарсы тұру қабілетінің артқанын көрсетті.

Колледж әкімшілігінің айтуынша, мұндай шаралар студенттердің тек кәсіби білімін ғана емес, сонымен қатар өмірлік маңызды қаржылық сауаттылықтарын арттыруда үлкен рөл атқарады.

«Қаржылық сауаттылық – өз қауіпсіздігіңнің кепілі» деген ұстанымды ұстана отырып, колледж алдағы уақытта да осындай маңызды бастамаларға белсенді түрде қатысуды жалғастырмақ.

Баянауыл көпсалалы колледжі оқытушыларының кәсіби дамуы мен жаңашыл тәжірибе жинақтауы – оқу орнының басты басымдықтарының бірі. Мұғалімдердің біліктілігін үнемі арттыру арқылы студенттерге заман талабына сай сапалы білім беруге жол ашылады.

Осы орайда, шет тілдер пәнінің оқытушысы Масакбаева Наталья Маданиетовна 2025 жылдың 6 қазанынан 17 қазанына дейін Павлодар қаласындағы «Инновациялық Еуразия Университеті» базасында өткен біліктілік арттыру курсына қатысты.

Курстың тақырыбы – «Skaffold құралдарын қолдану арқылы оқу сабақтарын жобалау». Бұл бағдарлама аясында оқытушы заманауи білім беру технологияларымен танысып, ағылшын тілі пәнін оқытудағы тиімді тәсілдер мен цифрлық құралдарды қолдану әдістерін меңгерді. Skaffold платформасы арқылы сабақты құрылымдап, білім алушылардың белсенділігін арттыру жолдары тәжірибе жүзінде талданды.

Осындай курстар оқытушының кәсіби өсуіне серпін беріп қана қоймай, білім алушылардың пәнге қызығушылығын оятып, оқу сапасын арттыруға ықпал етеді.

Колледж ұжымы атынан Масакбаева Наталья Маданиетовнаға шығармашылық табыс, үздіксіз даму және жаңа жетістіктер тілейміз!