2025 жыл елімізде Жұмысшы мамандықтар жылы деп жарияланып, бұл бастама еңбек адамын қадірлеу мен жастар арасында жұмысшы кәсіптердің беделін арттыруға бағытталған маңызды қадам болды.
Осы бастама аясында 26 желтоқсан күні Павлодар қаласында Жұмысшы мамандықтар фестивалі өтті. Іс-шараны Павлодар облысының Ақпарат және қоғамдық даму басқармасы ұйымдастырып, өңірдің өндірістік және қызмет көрсету салаларында еңбек етіп жүрген жас мамандарды бір алаңға жинады.
Аталған фестивальге Баянауыл көпсалалы колледжінің түлегі Калиев Бахтияр қатысып, тамақтандыру саласындағы кәсіби жетістіктерін таныстырды. Қазіргі таңда ол тез дайындалатын тағамдар бағыты бойынша еңбек етіп, жеке кәсібін табысты жүргізіп келеді.
Фестиваль барысында Калиев Бахтияр «Жүз Еңбек Жұлдызы» номинациясы бойынша марапатталып, кәсібилігін, өндірістік мәдениетке қосып жүрген үлесін және белсенді өмірлік ұстанымын көрсете білді. Ол алғыс хат пен естелік сыйлыққа ие болды.
Мұндай ауқымды іс-шаралар жұмысшы мамандықтарының маңызын арттырып, жастарды еңбекке, жаңашылдық пен кәсіби дамуға ынталандырады.

25 желтоқсан күні Баянауыл көпсалалы колледжінде студенттердің қатысуымен жаңа жылдық мерекелік іс-шара ұйымдастырылды. Мереке арнайы әзірленген сценарий бойынша жоғары деңгейде өтті.

Іс-шара барысында студенттер өз өнерлерін ортаға салып, әсерлі әндер шырқап, әсем билер биледі. Сонымен қатар, көңілді ойындар ойнатылып, кеш қонақтарына көтеріңкі көңіл күй сыйлады. Студенттердің белсенділігі мен шығармашылығы мерекенің көркін аша түсті.

Мерекелік кеште колледж басшысы Асылхан Манарбекұлы сөз сөйлеп, барша ұстаздар мен студенттерді келе жатқан Жаңа жыл мерекесімен құттықтады. Ол өз сөзінде өткен жылға қорытынды жасап, студенттердің білім, өнер, спорт және қоғамдық өмірдегі жетістіктерін ерекше атап өтті.

Жыл қорытындысы бойынша үздік атанған студенттер түрлі номинациялармен марапатталып, алғыс хаттар мен естелік сыйлықтарға ие болды. Бұл марапаттар жастарды алдағы уақытта да белсенді болып, жаңа жетістіктерге ұмтылуға ынталандырды.

Жаңа жылдық кеш студенттерге көтеріңкі көңіл күй сыйлап, есте қаларлық әсер қалдырды.