05 желтоқсан күні «Жұмысшы мамандықтар» жылы аясында Баянауыл көпсалалы колледжінде аудандық Жастар бөлімінің бастамасымен «Өз ісінің шебері» атты аудандық конкурс ұйымдастырылды.

Шараның мақсаты – құрылыс саласы бойынша білім алып жатқан студенттердің кәсіби дайындығын нығайту, шеберліктерін шыңдау және жұмысшы мамандықтарының беделін арттыру.

Конкурсқа «Ғимараттар мен құрылыстарды салу және пайдалану» мамандығының 2 және 3 курсында оқитын, барлығы алты студенттен құралған 3 команда қатысты. Байқау екі модульден тұрды:

• теориялық білімдерін тексеру,
• тәжірибелік жұмыс, онда жребий арқылы кірпіш қалаудың үш түрлі тәсілі ұсынылды.

Байқауға тәуелсіз төрелік жасаған қазылар алқасы:

• Жастар бөлімінің басшысы Ильдин Ринат Қуатжанұлы,
  • «СМУ Астана LTD» ЖШС өкілі Мұкашев Серік Құмарұлы,
  • Құрылыстың технологиясы мен сапасын бақылау бөлімінің маманы Рахимов Марат Кинашевич.

Қазылар шешімі бойынша жүлделі орындар төмендегідей бөлінді:

1 орын – Тутанов Қуанышбек пен Сарбасов Жумагелді,

2 орын – Серіков Серікжан мен Қутайлаков Дамир,

3 орын – Молдабаев Ардақ пен Серік Арман.

Қатысушылар дипломдар мен грамоталарға ие болып, Жастар орталығынан бағалы сыйлықтармен марапатталды.

Сонымен қатар әлеуметтік серіктестерге ерекше алғыс білдіреміз:

• құрылыс шеберханасына жұмыс орнын ұйымдастыруға қолдау көрсеткен «СМУ Астана LTD» ЖШС ұжымына;
• қатысушыларды киім және сыйлықтармен қамтамасыз еткен Жастар орталығына.

Бұл конкурс студенттердің кәсіби біліктілігін арттырып қана қоймай, өңірде жұмысшы мамандықтарының маңыздылығын айқындап, жастардың құрылыс саласына деген қызығушылығын күшейте түсті.

Баянауыл көпсалалы колледжінде аудандық жастар бөлімімен бірлесе ұйымдастырылған «Жұмысшы мамандықтар жылы» аясындағы «Өз ісінің шебері» атты кәсіби шеберлік сайысының ашылу салтанаты өтті. Іс-шараға аудан әкімінің орынбасары Дисюпова Альмира Амановна арнайы қатысып, жас мамандардың кәсіби дамуына бағытталған бұл бастаманың маңыздылығын атап өтті.

Салтанатты шара барысында Альмира Амановна колледждің материалдық-техникалық базасымен танысып, оқу кабинеттері мен өндірістік шеберханаларды көрді.

Колледж директоры Асылхан Манарбекұлы өз сөзінде оқу орнының тарихына, даму жолына және қазіргі таңда жүзеге асырылып жатқан жұмыстарға тоқталып, білім беру мекемесінің алдағы стратегиялық жоспарымен таныстырды. Ол студенттердің кәсіби әлеуетін арттыру, білім беру сапасын көтеру және өндірістік оқытуды қазіргі талаптарға сәйкестендіру бағытында атқарылатын жұмыстарды атап өтті.

«Өз ісінің шебері» сайысы еңбек нарығында сұранысқа ие, бәсекеге қабілетті жас мамандарды даярлауға, олардың шеберлігі мен шығармашылығын танытуға мүмкіндік береді. Іс-шара колледж студенттері үшін өз мүмкіндіктерін көрсетіп, кәсіби шыңдалуға үлкен жол ашады.