Павлодар облысының білім басқармасының WorldSkillsPavlodar-2025 өңірлік кәсіби шеберлік конкурсын ұйымдастыру және өткізу туралы 18.02.2025 жылғы №2-02/117 бұйрығына сәйкес, «Ғимараттар мен құрылыстарды салу және пайдалану» мамандығы, «Тас қалаушы» біліктілі бойынша конкурс өтті. Конкурс Екібастұз қаласындағы «Екібастұз политехникалық колледжі» КМҚК-да болды. Конкурсқа Баянауыл көпсалалы колледжінің атынан осы мамандықтың 2-курс студенті Макажанов Серікжан Саматұлы қатысты. Жетекшісі 1-ші санаттағы өндірістік оқыту шебері және арнайы пәндер оқытушысы Масакбаев Кабылжан Максутович.

Аталған конкурсқа қаысушыларымыз 1 күн бұрын барып, жұмыс орнымен,тапсырмалар барысымен танысып, ойдағыдай қатысып келді.

Конкурс 28-29-ші сәуір 2025 жылы өтті. Конкурстық тапсырма кірпіштен күрделі құрылымды қалау болды. Қатысушымыз тапсырманы ойдағыдай орындап, өзін жақсы деңгейде көрсетті.

26-шы сәуір күні колледж ұжымы мен жатақхана студенттері «Тазалық акциясы» аясында  кезекті  сенбіліке шықты.  Әкімшіліктен белгіленген маршрут бойынша колледждің территориясы қайта жинастырылып, Сабындыкөл қайыңды жағалауы тазаланды.

«Тазалық – табалдырықтан басталады», демекші қоршаған ортаның тазалығына жанашырлықпен қарау – әрбір азаматтың басты міндеті.

Бүгінгі күні ауданның тазалығын қамтамыз ету мақсатында барлық аудан мекемелері тұрақты сенбілікке ат салысып келеді. Сенбілік – бұл ұжымдық рухты, бірегейлікті, ауызбір­шілікті көрсететін керемет шара. Аталған шара тұрғын­дардың табиғатқа деген жақсы қарым-қатынасын қалып­тастыруға және ауданның санитарлық жағдайын жақсартуға бағытталды. Тұрақты сенбілік жұмыстары барысында күн санап көшелердің келбеті жаңаруда.